Қўшимча функционаллар
-
Тунги кўриниш
Британия ҳукумати июлдан аҳолини молиявий қўллаб-қувватлашни тўхтата бошлайди - Times
Ҳозирда мажбурий таътилга чиқарилган 6,3 млн ходим давлатдан тўлов олмоқда. Ушбу дастур учун дастлабки бир ойда сарфланган маблағ 8 млрд фунт стерлингдан (қарийб 10 млрд доллар) ошиб кетган.
Фото: Sputnik / Алекс Макнотон
Буюк Британия ҳукумати июлдан пандемия сабабли вақтинча ишсиз қолган аҳолини молиявий қўллаб-қувватлаш бўйича чораларни тўхтатишни бошлайди. Бу ҳақда The Times газетаси хабар берди.
Нашрнинг маълумот беришича, бу борада мамлакат молия вазири Риши Сунак келаси ҳафтада расмий баёнот беради.
Британия вазирлар маҳкамаси март ойида пандемия сабабли фаолиятини вақтинчалик тўхтатган корхоналар ишчиларига маош тўланишини таъминлаши ҳақида эълон қилганди. Мамлакат ҳукумати уларга маошининг 80 фоизини, аммо бир кишига бир ойда 2,5 минг фунт стерлингдан кўп бўлмаган маблағ тўланишини таъминлайди.
Маълум бўлишича, ҳозирда мажбурий таътилга чиқарилган 6,3 млн ходим давлатдан тўлов олмоқда. Ушбу дастур учун дастлабки бир ойда сарфланган маблағ 8 млрд фунт стерлингдан (қарийб 10 млрд доллар) ошиб кетган.
Нашрнинг ёзишича, мамлакат молия вазирлиги июлда карантин сабабли ишсиз қолган британияликлар учун тўловнинг максимал миқдорини пасайтиришни режалаштирмоқда. Ўша пайтга келиб 23 мартда киритилган чеклов чоралари бекор бўлиши ва кўпчилик ишга қайтиши кутилмоқда.
Охирги маълумотларга кўра, Буюк Британияда коронавирусга чалинганлар сони 196 мингдан ошган, 30 мингга яқин киши вафот этган.
Коронавирус
Мавзуга оид
23:08 / 27.05.2025
Океандаги олди-берди: Британия Чагос оролини нега топширди?
11:50 / 26.05.2025
Британия бозорларига Ўзбекистонда етиштирилган гилос етказиб берилди
18:08 / 22.05.2025
Британия Россия махсус хизматларини 10 мингга яқин камерани бузиб кирганликда айблади
09:04 / 21.05.2025