Испанияда халқаро рейсларни қабул қиладиган аэропортлар рўйхати кенгайтирилди

Ўтган ҳафтада бешта аэропорт - Мадрид, Барселона, Гран-Канария, Малага ва Пальма-де-Майорка аэропортларига хориждан рейсларни қабул қилишга рухсат берилганди.

Фото: CC BY 2.0 / Iberia Airlines /

Испания ҳукумати хориждан келадиган рейсларни қабул қилувчи аэропортлар рўйхатини кенгайтирди. Бу ҳақда мамлакат транспорт вазири Хосе Луис Абалос маълум қилди.

Аммо маҳаллий ҳукуматларнинг босими остида транспорт вазирлиги рўйхатни кенгайтиришга рози бўлди.

"Аликанте, Валенсия, Тенерифе-Жануб, Фуэртевентура, Лансароте, Севилья, Ибица ва Менорка аэропортларини ҳам жамоат соғлиғини сақлаш соҳасида халқаро фавқулодда вазиятлар учун хизмат кўрсатиш имкониятини берувчи нуқталар сифатида рўйхатга киритдик", - деб ёзди транспорт вазири Twitter саҳифасида.

Хориждан келадиган барча йўловчилар тиббий назоратдан ўтишлари шарт. Бундан ташқари, 15 майдан бошлаб хориждан келадиганлар икки ҳафталик карантинга жойлаштирилади.

Испанияда ҳаво ва денгиз чегараларидан ўтиш қоидалари 23 мартдан қатъийлаштирилган ва чеклов чоралари 24 майгача узайтирилганди.

Тайёрлаган Дилшод Аскаров

#аэропорт #Испания

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.