Путин Рамазон ҳайитини уйда нишонлашни сўради

Ҳозирда Россия коронавирусга чалинганлар сони бўйича дунёда иккинчи ўринда турибди. Мамлакатда бу касалликни юқтирганлар 290 мингдан ошган, 2,7 минг киши вафот этган.

Фото: РИА Новости

Россия президенти Доғистон раҳбарияти ва жамоат вакиллари билан ўтказилган йиғилишда коронавирус тарқалиши сабабли мусулмонлардан Рамазон ҳайитини уйда нишонлашни сўради.

Унинг қайд этишича, Доғистонда бу байрамга чин дилдан ёндашишларини ва урф-одатларни эъзозлашларини қайд этди.

«Руҳонийлар исломга эътиқод қилувчиларни ҳозирги даврда бу байрамни уйда нишонлаш, жамоавий намозлар ва дўстлар даврасида нишонлаш анъанасидан воз кечишга чақираётганларини биламан», — деди Путин.

У «уларнинг бу чақириғига албатта қулоқ солиниши»га умид билдирди.

Путин мусулмонлар учун муқаддас Рамазон ойи 23 майда ниҳоясига етишини эслатиб ўтди.

Тайёрлаган Дилшод Аскаров

#Россия #рамазон

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.