Қўшимча функционаллар
-
Тунги кўриниш
Венесуэла 1 млрд долларлик олтинини қайтариш мақсадида Англия банкини судга берди
Венесуэла марказий банки коронавирусга қарши курашни молиялаштириш учун Англия банкида сақланаётган 1 млрд доллардан кўпроқ қийматдаги олтинини қайтариш мақсадида банкка қарши Лондон судига ариза топширди.
Бу ҳақда Reuters ахборот агентлиги хабар берди. Маълум қилинишича, расмий Каракас апрелда Англия банкига у ерда сақланаётган олтинларни қайтариш ва уларни сотиш мақсадида сўров жўнатган. Суд ҳужжатида таъкидланишича, Венесуэла ҳукумати қўлга киритилган маблағларни БМТдан коронавирусга қарши кураш учун ёрдам, жумладан дори-дармон, тиббий қурилмалар ва озиқ-овқат маҳсулотлари олиш мақсадида БМТнинг Тараққиёт дастурига ўтказмоқчи бўлган.
Англия банкида Венесуэлага қарашли 31 тонна олтин сақланади. Венесуэла ҳукумати олтиннинг бир қисмини қайтаришга бир неча бор уринган, бироқ банкнинг рад жавобини олиб келган. Жумладан, банк 2018 йилда Венесуэла президенти Николас Мадуро давлатга тегишли олтинларни эгаллаб олиб, ўз шахсий манфаатлари учун ишлатиши мумкинлиги хавотирида 550 млн долларлик олтинни қайтаришдан бош тортган.
Коронавирус
Мавзуга оид
17:35 / 21.04.2025
Салвадор президенти венесуэлалик ноқонуний мигрантларни «сиёсий маҳбуслар»га алмашмоқчи
15:39 / 20.04.2025
АҚШ Олий суди венесуэлалик мигрантлар депортациясини тўхтатиб қўйди
11:02 / 28.03.2025
Венесуэла президенти АҚШ давлат котибини «аҳмоқ» деб атади
22:09 / 26.03.2025