«Қорадори-2020» тадбири давомида гиёҳванд ўсимлиги ўстираётган яна бир шахс қўлга олинди

Ҳолат юзасидан Сирдарё туман ИИБ ҳузуридаги Тергов бўлими томонидан жиноят иши қўзғатилди.

Фото: ИИБ ахборот хизмати

2020 йил 27 май куни Сирдарё тумани ИИБ ЖҚБ ходимлари томонидан “Қорадори-2020” тадбири ўтказилган. Бу ҳақда Сирдарё вилояти ИИБ ахборот хизмати хабар бермоқда.

Тадбир давомида Сирдарё туманида яшовчи 75 ёшли фуқаро М.М.нинг уйи томорқасида экилган картошка олдида парваришлаб келинаётган 290 туп "кўкнори" гиёҳвандлик ўсимлиги борлиги аниқланиб, холислар иштирокида далилий ашё тариқасида олинган.

Мазкур ҳолат юзасидан фуқаро М.М.га нисбатан Сирдарё туман ИИБ ҳузуридаги Тергов бўлими томонидан жиноят иши қўзғатилиб, ҳозирда тергов ҳаракатлари олиб борилмоқда.