Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Фан-техника | 13:00 / 31.05.2020
    13921
    3 дақиқада ўқилади

    Фоторепортаж: SpaceX илк марта астронавтларни космосга учирди

    SpaceX компанияси синов парвозлари доирасида Crew Dragon кемасини Флоридадаги Кеннеди космик марказидаги майдончадан муваффақиятли учирди. Стартдан 12 дақиқа ўтиб Crew Dragon паст орбитага чиқди.

    SpaceX учун бу фазогир иштирокида космосга амалга оширилган илк парвоздир. Тарихда илк бор бундай жараён хусусий компания томонидан амалга оширилди. NASA агентлиги ва SpaceX компанияси Dragon космик юк кемасининг бошқариладиган версиясини яратиш учун 2014 йили қиймати 2,6 миллиард долларлик шартнома имзолаганди. SpaceX бошқариладиган парвозларни 2017 йилдан бошлаши кутилган эди, бироқ Falcon элтувчи ракетасининг бир неча аварияларидан сўнг компаниянинг барча рухсатномаларни олиши бир неча бор ортга сурилганди.

    Crew Dragon’да учган фахрий астронавтлар Дуглас Ҳёрли ва Роберт Бенкен 2011 йилдан буён АҚШ ҳудудидан учирилган илк кема фазогирлари бўлишди.
    ​​​​​​Фото: SpaceX
    Crew Dragon Falcon 9 ракета ташувчиси орқали Канаверал бурнида жойлашган Кеннеди космик марказидан маҳаллий вақт билан соат 15:22да учирилди
    Фото: Reuters
    Ракета учирилишини компания асосчиси Илон Маск кузатиб борди
    Фото: Reuters
    Астронавтлар учиш майдончасига Tesla компанияси автомобилида етиб келишди
    Фото: Zuma/ТАСС
    SpaceX компанияси томонидан ишлаб чиқилган кемани Falcon 9 элтувчи ракетаси фазога олиб чиқди. Унинг биринчи босқичи Атлантика океанидаги платформага қўндирилди. Ундан яна фойдаланиш мумкин. Фото: Reuters
    Дуглас Хёрли ва Роберт Бенкен аввал ҳам бир неча марта космосда бўлишган. НАСА ва SpaceX экспедиция Халқаро космик станцияда қанча вақт бўлишига аниқлик киритмаган. Улар 4 ойгача фазода қолиши мумкин. Фото: Reuters
    Falcon 9 стартини Флоридада АҚШ президенти Дональд Трамп ва вице-президент Майк Пенс ҳам кузатиб боришди
    Фото: Reuters
    Crew Dragon ХКСга доимий парвозлар учун сертификат олади. 2011 йилдан буён НАСА астронавтларини ХКСга Россиянинг «Союз» кемаларида олиб чиқилаётганди. 2019 йили «Союз»да ҳар парвозда астронавт учун битта жой нархи 86 миллион долларга тенг бўлган. Фото: AP/ТАСС
    Кема иккинчи уринишда орбитага учирилди, 27 май куни бўлиб ўтган биринчи уриниш стартга 16 дақиқа қолганида ноқулай об-ҳаво шароити сабаб қолдирилган эди. Фото: SpaceX

     

    #Илон Маск #SpaceX

    Мавзуга оид

    17:20 / 20.11.2024

    SpaceX олтинчи марта Starship ракетасини синовдан ўтказди. Парвозни Доналд Трамп ҳам кузатиб борди

    22:48 / 18.11.2024

    Starlink учун яна 20 та сунъий йўлдош орбитага учирилди

    16:59 / 18.11.2024

    АҚШдан Хитойгача 40 дақиқада: Илон Маск самолётларни ракеталарга алмаштирмоқчи

    17:11 / 15.11.2024

    Илон Маск Эроннинг БМТдаги элчиси билан махфий учрашув ўтказгани маълум бўлди