Эронда охирги кунлар коронавирус жадал тарқалмоқда

Эронда сўнгги суткада коронавирусга 3574 киши чалинди, бу эса мамлакатда вирус тарқалиши бошланган 19 февралдан бери рекорд кўрсаткич ҳисобланади.

Фото: Getty Images

Эрон соғлиқни сақлаш вазири Киануш Жаҳонпурнинг таъкидлашича, охирги бир кун ичида коронавирусдан 59 киши вафот этган ва коронавирус қурбонлари сони умумий ҳисобда 8071 нафарга етган.

Шунингдек, касалланганлар сони 164270 нафарга етган, 127485 киши соғайиб кетган.

2 июнда Эронда 2 ойдан кўпроқ вақт ичида биринчи марта коронавирусга чалиниш сони бир кун ичида 3 мингдан кўпроқни ташкил қилган. Аввалги марта бундай кўрсаткич 30 март куни қайд қилинган ва 3186 тани ташкил қилган эди.

Апрель охирида Эронда вирус тарқалиши камаяётгани маълум қилинганди. Ўшанда бир ойдан кўпроқ вақт ичида биринчи марта вирусга чалинганлар сони минг нафардан камроқни ташкил қилган.

Тайёрлаган Шуҳрат Раҳимов

#Эрон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.