Мирзо Улуғбек туманининг айрим ҳудудларида электр энергиясида вақтинчалик узилиш бўлади

Аҳоли яшаш хонадонларида электр энергияси соат 08:00 дан 17:00 қадар вақтинчалик ўчирилади.

Бугун Мирзо Улуғбек туманининг айрим ҳудудларида электр энергиясида вақтинчалик узилиш бўлади. Бу ҳақда «Тошкент шаҳар электр тармоқлари корхонаси» АЖ матбуот хизмати хабар қилмоқда.

Қайд этилишича, 4 июнь куни Тошкент шаҳрининг Мирзо Улуғбек туманига қарашли «Подшобоғ», «Олтинтепа», «Олмачи» маҳаллаларидаги аҳоли яшаш хонадонларини электр энергияси билан таъминловчи юқори кучланишли 35/6 кВли «Паркент» нимстанциясида реконструкция ва модернизация ишлари олиб борилади.

Шу муносабат билан аҳоли яшаш хонадонларида электр энергияси соат 08:00 дан 17:00 қадар вақтинчалик ўчирилади.

«Тошкент шаҳар электр тармоқлари корхонаси» мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун истеъмолчилардан узр сўраган.