«Бир марта коррупцияга аралашган иккинчи марта давлат хизматида хизмат қилмаслиги керак» – Светлана Ортиқова

Халқ депутатлари Сергели туман кенгаши депутати Абдуқаҳҳор Иминохунов 11 июнь куни Адлия вазирлигида “Давлат фуқаролик хизмати тўғрисида”ги қонун лойиҳаси муҳокамасига бағишланган матбуот анжуманида коррупцияга аралашгани туфайли фаолиятидан четлаштирилган ёки жиноий жавобгарликка тортилган шахсларни давлат хизматига қайта ишга олмасликни таклиф қилди. Мутасаддилар бу таклифни олқишлашди.

Светлана Ортиқова / Фото: KUN.UZ

«Жуда яхши фикр. Таклифингизни қонун лойиҳаси устида ишлаётган экспертларга етказамиз, улар билан бирга бу масалани атрофлича муҳокама қиламиз.

Бир марта коррупцияга аралашган иккинчи марта давлат хизматида хизмат қилмаслиги керак. Чунки унинг қайта шу жиноятга қўл уриши эҳтимоли бор.

Башарти у кечирилган тақдирда ҳам ишга қайта олинмаслиги керак, фақат коррупцияда айбланган, бироқ суд томонидан оқланган шахслар бундан муставно, улар давлат хизматига қайтиши, аввалги ишига тикланиши мумкин. Миллий қонунчилигимизда ҳам шу норма бор», дея Бош прокурор ўринбосари Светлана Ортиқованинг сўзларини келтирмоқда Kun.uz мухбири.

«Янги қонун лойиҳаси давлат хизматчилари орасида коррупцияни таг-туги билан йўқ қилишга қаратилган» – Светлана Ортиқова

«Давлат фуқаролик хизмати тўғрисида»ги қонун лойиҳасида нима учун мансабдорларга истиснолар белгиланганига изоҳ берилди

Ҳокимлар давлат хизматчиларига нисбатан кўзда тутилган мажбуриятлардан ташқарида қолишадими? Вазир ўринбосари изоҳ берди