Қозоғистонда коронавирус билан боғлиқ вазият ёмонлашгани сабабли карантин чоралари кучайтирилади

Тўқаев ҳукуматни "қатъий чоралар қабул қилиш билан бир қаторда узоқ давом этадиган коронавирус пандемиясига тайёргарлик кўриш"га чақирди.

Фото: 24.kz

Қозоғистон президенти Қосим-Жўмарт Тўқаев ҳукуматга икки кун ичида қатъий карантин чораларини жорий этиш тўғрисида таклиф киритиш топшириғини берди.

Бундан ташқари, Қозоғистон президенти ҳукумат ва регионлар раҳбарларига инфекцион койкалар сонини ошириш ҳамда мамлакатда дори-дармон тақчиллигига барҳам беришга топшириқ берди.

Тўқаев шунингдек, ҳукуматни "қатъий чоралар қабул қилиш билан бир қаторда узоқ давом этадиган коронавирус пандемиясига тайёргарлик кўриш"га чақирди.

Охирги маълумотларга кўра, мамлакатда 21,3 мингдан ортиқ COVID-19 билан касалланиш ҳолатлари қайд этилган, 16 639 нафар симптомсиз вирус ташувчилар аниқланган, 183 киши вафот этган.

Тайёрлаган Дилшод Аскаров

#Қозоғистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.