2020 йилнинг ярим йилида Россияда автомобиллар савдоси 23,3 фоизга қисқарди

2020 йилнинг биринчи ярим йиллигида Россияда янги автомобиллар савдоси 23,3 фоизга қисқариб, ўтган давр мобайнида 635 959 енгил машина сотилган. Бу ўтган йилнинг шу даврига нисбатан 14,6 фоизга қисқарганини англатади. 2019 йилнинг мос даврида 122 622 та енгил автомобил кўп сотилган, дейилади Европа бизнеси уюшмасининг ҳисоботида.

Биринчи ярим йиллик натижасига кўра, АвтоВАЗ бозор етакчиси бўлиб қолмоқда. Ўтган олти ойда компания 132 595та машина сотган, бироқ бу кўрсаткич ҳам ўтган йилнинг шу даврига нисбатан 24 фоиз кам демакдир. Иккинчи ўринда Kia 81 219 та автомобил билан (-27 фоиз), учинчи ўринда 63 852та машина сотиш билан Hyundai, (-27 фоиз) турибди. Кучли бешликни Renault (51 535та, -20 фоиз) ҳамда Toyota (41 646та, -10 фоиз) якунламоқда. .

Қиммат автомобиллар бренди орасида BMW етакчилик қилмоқда. Германия компанияси олти ойда 17 110та автомобил сотишга эришган. Иккинчи ўринда Mercedes-Benz (16 246), учинчида Lexus (8537) жойлашган.