Болгарияда бир футболчидан олинган тест хато чиқиши 19 футболчи касалликка чалинишига сабаб бўлди

Болгария чемпионатининг «Царско село» — «Черно море» жамоалари ўртасидаги учрашувда икки жамоа футболчилари коронавирусга чалинди.

Фото: Getty Images

«Царско село» клуби футболчиси Мартин Кавданскидан коронавирусга олинган тестнинг хато чиқиши кўплаб футболчиларнинг касаллик юқтириб олишига сабаб бўлди. Бу ҳақда Sportstar нашри хабар бермоқда.

Ўзаро учрашув 2 июль куни бўлиб ўтди ва унда «Черно море» жамоаси 4:1 ҳисобида ғалаба қозонди. Ўйиндан олдин «Царско село» ҳимоячиси Мартин Кавдански коронавирусга топширган тест салбий чиққан, деб ёзади Sportstar.

Ўйинчи учрашувга қўйилган ва бошланғич таркибда майдонга тушган. Ўйиндан сўнг «Царско село» футболчилари тест топширган ва уч нафар ўйинчи: Ивайло Иванов, Илия Жамов ва Кирил Трохаровда COVID-19 аниқланган.

«Черно море» клуби матбуот хизматининг хабар беришича, ўйиндан сўнг жами 16 футболчининг коронавирусга топширган тести мусбат чиққан.

Кавдански тест топширган лаборатория унинг касалликка чалинганини маълум қилиб, ўз хатосини тан олди. Хабар қилинишича, «Царско село» президенти Стойне Маноловнинг COVID-19га топширган тести мусбат чиққан.

Тайёрлаган Дилшод Аскаров

#Болгария #футбол #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.