Коронавирус тарқалиши авж олганлиги сабабли Мельбурнда олти ҳафталик карантин жорий этилади

Беш миллион киши яшайдиган Мельбурнда охирги суткада 200га яқин SARS-CoV-2 ҳолати аниқланди.

Фото: REUTERS

Австралиянинг Мельбурн шаҳрида SARS-CoV-2 коронавируси тарқалиши авж олганлиги сабабли олти ҳафталик локдаун жорий этилмоқда. Шаҳарнинг беш миллионга яқин аҳолиси камида бир ярим ой уйларида ўтиришларига тўғри келади, деди Виктория провинцияси бош вазири Дэниел Эндрюс.

Охирги суткада Австралиянинг катталиги жиҳатидан иккинчи ўринда турувчи Мельбурн шаҳрида коронавирус юқтириш билан боғлиқ 191та ҳолат қайд этилган.

"Биз коронавирус инқирози тугади дея олмаймиз. Бу жудаям юқори рақам. Ҳеч ким бундай ҳолатга тушишни истамаганди. Кўрилаётган чоралар улкан зарар келтиришини биламан. Аммо бундан бошқа йўл йўқ", - деди Эндрюс.

7 июлдан мактаб ўқувчилари масофадан ўқишга қайтади. Ресторанлар фақат таомларни уйга олиб кетиш учунгина сотади.

Штатнинг маъмурий чегаралари ёпилди. Полиция ва ҳарбийлар чегараларни назорат қилади.

Тайёрлаган Дилшод Аскаров

#Мельбурн #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.