Нью-Йоркда пандемия бошланганидан бери биринчи марта сутка давомида коронавирусдан ўлим ҳолати қайд этилмади

Нью-Йорк соғлиқни сақлаш ва руҳий гигиена департаменти маълумотларига кўра, шаҳарда бугунги кунгача коронавирусдан жами 18670 киши вафот этган.

Фото: Angus Mordant/Bloomberg

АҚШда коронавирус тарқалиши ўчоғига айланган Нью-Йоркда пандемия бошланганидан бери биринчи марта сутка давомида коронавирусдан ўлим ҳолати қайд этилмади. Бу ҳақда Bloomberg хабар бермоқда.

Шаҳарда коронавирусдан ўлим ҳолати илк марта 11 мартда қайд этилганди. 7 апрель куни касалликдан бир суткада 597 киши вафот этди. Булар беморнинг коронавирус юқтиргани лабораторияда тасдиқланган ҳолатлардир.

Нью-Йорк соғлиқни сақлаш ва руҳий гигиена департаменти маълумотларига кўра, шаҳарда бугунги кунгача коронавирусдан жами 18670 киши вафот этган (яна 4613 киши COVID-19дан ўлган бўлиши мумкин, аммо бу тестлар орқали тасдиқланмаган).

АҚШ коронавирус юқтириш ҳолатлари қайд этилиши бўйича дунёда биринчи ўринда турибди. Жонс Ҳопкинс университетининг маълумот беришича, 3,3 млн америкалик касалликка чалинган.

Тайёрлаган Дилшод Аскаров

#Нью-Йорк #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.