Қозоғистонда муҳтожларга июль ойида 42500 тенгедан тўланади - Тўқаев

Мамлакатда коронавирус инфекцияси тарқалиши сабабли жорий этилган фавқулодда ҳолат даврида, икки ой мобайнида даромадини йўқотган қозоғистонликлар 42500 тенгедан пул олганди.

Фото: akorda.kz

Муҳтож қозоғистонликларга 42500 тенгедан (103 доллар) пул тўланади. Бу ҳақда Қозоғистон президенти Қосим-Жўмарт Тўқаев ўзининг Twitter саҳифасида маълум қилди.

Тўқаев шунингдек, мамлакатда карантин режими икки ҳафтага узайтирилишини билдирди.

Охирги маълумотларга кўра, республикада коронавирус юқтирганлар сони 60 мингга яқинлашган, 375 киши вафот этган.

Аввалроқ Қосим-Жўмарт Тўқаев қозоғистонликларнинг номаълум зотилжамдан вафот этаётгани борасида хавотир билдирганди.

Тайёрлаган Дилшод Аскаров

#Қозоғистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.