Буюк Британия россиялик хакерларни Covid-19’га қарши вакцина тўғрисидаги маълумотларни ўғирлашга уринишда айблади

Қайд этилишича, APT29 хакерлик гуруҳи «интеллектуал мулк»ни ўғирлаш мақсадида ҳукумат, дипломатик, таҳлилий, тиббий ва энергетика объектларига тез-тез ҳужумлар уюштиради.

Буюк Британия киберхавфсизлик миллий маркази (NCSC) россиялик хакерларни Британиянинг Covid-19га қарши ишлаб чиқаётган вакцинаси тўғрисидаги маълумотларни ўғирлашга уринишда айблади.

Таъкидланишича, NCSC Канада коммуникация хавфсизлиги маркази билан биргаликда ҳужумлар ортида «деярли Россия махсус хизматлари таркибига кирадиган» APT29 хакерлик гуруҳи турганини аниқлаган.

APT29 2020 йил давомида Канада, АҚШ ва Буюк Британиядаги Covid-19га қарши вакцина ишлаб чиқишда иштирок этаётган турли ташкилотларга ҳужум уюштирган.

Қайд этилишича, APT29 «интеллектуал мулк»ни ўғирлаш мақсадида ҳукумат, дипломатик, таҳлилий, тиббий ва энергетика объектларига тез-тез ҳужумлар уюштиради.

Буюк Британия россиялик хакерлар Covid-19га қарши вакцина тўғрисидаги маълумотларни ўғирлашга уринганликда гумон қилаётгани ҳақида 4 май куни The Guardian хабар қилганди.

Аввалроқ Буюк Британия вазирлар маҳкамаси Россия 2019 йил декабрда бўлиб ўтган Британия парламентига сайловлар натижасига таъсир кўрсатишга уринганлигини таъкидлаганди.

Тайёрлаган Дилшод Аскаров

#Буюк Британия #хакер #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.