Британияда коронавирусдан ўлим ҳолатлари бўйича кунлик статистикани эълон қилиш вақтинча тўхтатилди

Ҳукуматнинг ҳисоблаш услубини қайта кўриб чиқиш тўғрисидаги кўрсатмасидан сўнг ана шундай қарор қабул қилинди.

Фото: PA MEDIA

Буюк Британияда коронавирус инфекциясидан ўлим ҳолатлари бўйича кунлик статистикани эълон қилишни вақтинча тўхтатди. Бу ҳақда Reuters агентлиги хабар берди.

Экспертларнинг таъкидлашларича, Англияда вафот этганлар сонини ҳисоблаш Бирлашган қиролликнинг бошқа қисмидаги каби олиб борилмаяпти, шу сабабли маълумотларда чалкашлик юз бериши мумкин.

Буюк Британия касаллик юқтирганлар сони бўйича дунёда 10-ўринда турибди – мамлакатда 293 минг киши касалликка чалинган, 45 мингдан ортиқ киши вафот этган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.