Қўшимча функционаллар
-
Тунги кўриниш
Таиланддаги туризмга ихтисослашган компаниялар оммавий равишда ёпилмоқда
Январдан июнгача муддатда мингдан ортиқ компаниялар ўз лицензияларини давлатга қайтариб берган.
Фото: fotolia.com/ Dmitry Pichugin
COVID-19 пандемияси натижасида жаҳон туризм бозоридаги кескин пасайишлар ортидан Таиланддаги туроператорлар бизнесни оммавий равишда тарк этмоқда. Бу ҳақда Bangkok Post газетаси хабар бермоқда.
Хорижлик меҳмонларга хизмат кўрсатиш соҳасидаги фирмаларнинг 30 фоиздан ортиғи, хусусан, туроператорлар, сувенир дўконлари, ресторанлар, экскурсия автобусларига эга компаниялар апрелда фаолиятини тўхтатганди. Уларнинг аксарияти ўз активларини сота бошлади ва ёпилмоқда.
Таиланд туроператорлар ассоциацияси маълумотларига кўра, январдан июнгача муддатда мингдан ортиқ ана шундай компаниялар ўз лицензияларини давлатга қайтариб берган.
Таиландда хорижлик туристларнинг йиллик ҳажми прогнози ўтган йилнинг шу даврига нисбатан 80 фоизга тушиб кетди.
Хабар қилинишича, асосан хитойлик сайёҳларга хизмат кўрсатадиган фирмалар муаммога дуч келган.
Таиланд спорт ва туризм вазирлигининг ҳисоб-китобига кўра, мамлакатда туризм соҳасидаги корхоналарнинг 60 фоизи ёпилиши мумкин.
Коронавирус
Мавзуга оид
17:13 / 27.05.2025
Ўзбекистон Россия фуқароларининг мамлакатга киришини енгиллаштириши мумкин
12:13 / 21.05.2025
Ўзбекистонликлар учун виза олишни осонлаштириш бўйича АҚШ билан музокара ўтказилади
16:40 / 14.05.2025
Ҳаж ва Умра зиёратларини ноқонуний ташкил этишга уринган сайёҳлик фирмалари аниқланди
17:42 / 12.05.2025