Таиландга кириб келган барча хорижликлар икки ҳафталик карантинга жойлаштирилади

Таиландда икки ойдан буён Covid-19 юқтириш ҳолати қайд этилмаган. Аммо хориждан келганлар орасида икки ҳафталик карантин давомида касалликка чалинганлар аниқланмоқда.

Таиландга кириб келган барча хорижликлар икки ҳафталик карантинни ўташларига тўғри келади, деб хабар бермоқда The Thaiger нашри.

Хабарда айтилишича, Таиланд туризм ва спорт вазири Пипат Ратчакитпракан мақоми ва фуқаролигидан қатъи назар барча хорижликлар 14 кунлик мажбурий карантинга жойлаштирилишини маълум қилган.

Унинг сўзларига кўра, бу қоида "яқин келажак" давомида амал қилади.

Вазир Вьетнамнинг Дананг шаҳридан 80 минг нафар турист эвакуация қилиниши тўғрисидаги хабардан сўнг бу ҳақда айтган.

Кейинги кунларда дунёнинг деярли барча мамлакатларида касаллик юқтириш ҳолатлари ўсиши кузатилмоқда.

Тайёрлаган Дилшод Аскаров

#Таиланд #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.