Эрон янги баллистик ракетасини марҳум генерал Сулаймоний шарафига атади

Эрон қуролли кучлари янги баллистик ва қанотли ракеталар ишлаб чиқди. Баллистик ракета АҚШ ҳарбийлари томонидан ўлдирилган генерал Қосим Сулаймоний шарафига аталиб, унинг синовлари Эроннинг IRIB телерадиокомпанияси томонидан намойиш қилинган.

Видеодан кадр

Гап “ер-ер” синфидаги баллистик ракета ҳақида бориб, у 2020 йил январда АҚШ ҳарбийлари махсус операцияси давомида ўлдирилган генерал Қосим Сулаймоний шарафига “Ҳож Қосим” деб аталган. Таъкидланишича, ракетанинг таъсир радиуси 1400 кмни ташкил қилади.

Бундан ташқари, эронлик ҳарбийлар янги қанотли ракета “Абу Маҳди”ни тақдим этишган. Ушбу ракета Сулаймоний билан бирга ҳалок бўлган, ироқлик шиа тузилмалари “Ал-Ҳашд аш-Шаъбий” қўмондони Абу Маҳди ал-Муҳандис шарафига аталган.

Эроннинг Ислом инқилоби муҳофизлари корпусининг “Ал-Қудс” махсус бўлинмаси қўмондони генерал-лейтенант Қосим Сулаймоний 3 январда Бағдод аэропорти яқинида АҚШ дрони зарбаси натижасида ўлдирилганди. У билан бирга 4 нафар эронлик ҳарбий ва Ироқ армиясининг 5 вакили, жумладан ал-Муҳандис ҳалок бўлган.

#Эрон #баллистик ракета #Қосим Сулаймоний

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.