Яккасарой туманидаги қатор манзилларга ичимлик суви таъминоти вақтинча тўхтатилади

Жорий йилнинг 25 август куни соат 22:00дан 26 август 18:00га қадар Яккасарой тумани Чўпон ота кўчасидан ўтувчи ичимлик суви тармоғида профилактик таъмирлаш ишлари амалга оширилади. 

Пойтахт ҳокимлиги хабарига кўра, бу Тошкент шаҳрида 2020-2021 йиллар куз-қиш мавсумига тайёргарлик кўриш дастурига мувофиқ бажарилади.

Шу муносабат билан қатор манзилларга ичимлик суви таъминоти вақтинча тўхтатилади.
 
Улар:

- Яккасарой кўчаси;  
- Суқрот кўчаси;  
- Ҳилолий 3-тор кўчаси;  
- Ш.Руставели кўчаси;  
- Насафий кўчаси;  
- Чўпон ота кўчаси.  

Сув таъминотидан узилган ҳудуд аҳолиси ичимлик суви етказиб берилиши бўйича қуйидаги рақамларга мурожаат қилишлари мумкин: 71 255-05-50, 71 255-26-76

Келтирилган ноқулайлик учун узр сўралган.