Британияликларга 14 сентябрдан олти кишидан ортиқ гуруҳ бўлиб тўпланиш тақиқланади

Қоидабузарларга 100 фунт жарима солинади, такроран қоида бузилиши жарима миқдорининг ошишига олиб келади.

Фото: AFP/Getty Images

Буюк Британияда 14 сентябрдан олти кишидан ортиқ гуруҳ бўлиб тадбир ўтказиш тақиқланади.

"Би-би-си"нинг мамлакат ҳукуматига таяниб хабар қилишича, коронавирус билан боғлиқ вазият туфайли Лондон ана шундай қарор қабул қилган.

Бино ичида ҳам, кўчада ҳам катта гуруҳ бўлиб тўпланиш қонун билан тақиқланади. Аммо бу талаб мактаб ва офислар ҳамда "хавфсиз тўйлар, аза ва спорт тадбирлари"га тааллуқли бўлмайди.

Қоидабузарларга 100 фунт жарима солинади, такроран қоида бузилиши жарима миқдорининг ошишига олиб келади.

Қайд этилишича, Буюк Британияда якшанба куни 8396та янги коронавирус ҳолатлари аниқланган.

Мамлакатда пандемия бошланганидан буён 354 932та ҳолат қайд этилган, 41 675 нафар киши вафот этган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.