Қизимнинг кўзларига қарашга қўрқаман, ўғлимсиз қандай яшайман?!. Оққонга чалинган беморлар кўмакка муҳтож

Имконингиз бўлса, кимгадир саховат кўрсатиш истаги туғилса, пойтахтдаги Гематология ва қон қуйиш илмий текшириш институтига ташриф буюринг. Дарвозанинг ёнидаёқ умид билан ўтирадиган, ҳатто шу ернинг ўзида узала тушиб ётадиган оталарга кўзингиз тушади. Улар ичкаридан чиқадиган ҳар бир хабарга маҳтал бўлишади, олиб келиниши шарт бўлган дорилар рўйхатини олиб, юзларига ташвиш югуради. Жуда қийин уларга...