Коронавирус Ўзбекистонда: Қурбонлар сони расман 400дан ошди

Расмий статистикага кўра, жами ҳолатлар 48 565та, тузалганлар 45 058 нафар, қурбонлар эса 403 нафарни ташкил этмоқда. 14 сентябрда 5 киши вафот этгани хабар қилинди.

Янги ҳолатлар (+570)

Кунлик касалланиш ҳолатлари сонида бир неча кундан бери барқарор сақланиб турибди. 12 сентябрда 578, 13 сентябрда 573, 14 сентябрда 572, 15 сентябрда 570 кишида коронавирус тасдиқлангани эълон қилинди.

• Тошкент шаҳри – 366
• Тошкент вилояти – 128
• Наманган вилояти – 30
• Андижон вилояти – 16
• Самарқанд вилояти – 12
• Хоразм вилояти – 10
• Қашқадарё вилояти – 5
• Фарғона вилояти – 2
• Қорақалпоғистон Республикаси – 1

Тузалганлар (+532)

Жами 48 565 бемордан 45 058 нафари тузалиб, даволаниш кўрсаткичи 93 фоизни ташкил этмоқда.

• Тошкент шаҳри – 314
• Тошкент вилояти – 114
• Самарқанд вилояти – 53
• Наманган вилояти – 23
• Хоразм вилояти – 12
• Андижон вилояти – 9
• Қашқадарё вилояти – 5
• Фарғона вилояти – 2

Ўлим ҳолатлари (+5)

Вазирлик 15 сентябрь куни 5та ўлим ҳолати ҳақида маълумот берди. Расмий статистикага кўра, қурбонлар – 403 нафар. Аммо Соғлиқни сақлаш вазирлиги қайд этмаган, аммо бошқа давлат идоралари томонидан расман тасдиқланган ўндан ортиқ қурбонлар мавжуд.

• Юнусобод туманида яшаган 63 ёшли Н.Қ. (эркак)
• Олмазор туманида яшаган 42 ёшли О.Б. (аёл)
• Тошкент шаҳрида яшаган (қайси тумандан экани айтилмади) 70 ёшли М.Э. (аёл)
• Тошкент шаҳрида яшаган (қайси тумандан экани айтилмади) 66 ёшли Т.Х. (аёл)
• Шайхонтоҳур туманида яшаган 72 ёшли А.Р. (эркак)

Айни пайтда 3 104 нафар бемор даволанишда. Улардан 483 нафари оғир, 245 нафари эса ўта оғир аҳволда.