Қўшимча функционаллар
-
Тунги кўриниш
Нигериядаги автоҳалокат 15 кишининг умрига зомин бўлди
Нигерия жанубида жойлашган Эбоньи штатида автобуснинг дарёга тушиб кетиши оқибатида 15 киши ҳалок бўлди. Бу ҳақда Nation нашри хабар берди.
Маълумотларга кўра, қутқарувчилар автобусни дарё тубидан чиқариб олишганда, унинг ичида 14 жасадни топишган. 5 киши шифохонага етказилган, аммо кейинроқ улардан бири жон берган. Бундан ташқари, 13 киши бедарак йўқолган.
Баъзи нашрларнинг хабар беришича, ҳалокат вақтида 30дан кўпроқ киши ҳаётдан кўз юмган бўлиши мумкин.
Расмий идораларнинг хабар беришича, автобусда 30дан кўпроқ йўловчи бўлган. Ҳайдовчи ва 4 йўловчи автобус чўкиб кетиши олдидан ундан чиқиб олишга муваффақ бўлган. Полиция воқеа сабабларини тергов қилмоқда.
Мамлакат президенти Муҳаммаду Бухорий ҳалок бўлганлар оилалари ва яқинларига ўз ҳамдардлигини билдирган.
Таъкидланишича, ушбу йўл-транспорт ҳодисаси Нигерияда жорий ҳафтада автобуслар иштирокида юз берган учинчи йирик автоҳалокатдир. 15 сентябрда мамлакат жанубида автобус ва юк машинаси иштирокидаги ЙТҲда 5 киши, 17 сентябрда мамлакат ғарбида автобус ва юк машинасининг рўпарама-рўпара тўқнашувида 12 киши ҳалок бўлган.
Мавзуга оид
21:28 / 22.05.2025
Тошкентда йўловчилар автобус ҳаракатига тўсқинлик қилган автомобил ҳайдовчисини жазолади
20:24 / 20.05.2025
Сергели ва Юнусободни тезюрар автобус йўлаги боғлайди. Лойиҳа қиймати – 50 млн доллар
19:08 / 13.05.2025
Тошкентда автобуслар учун йўл ўртасидаги биринчи тезюрар йўлак қурилиши бошланади
14:39 / 13.05.2025