«Бу ердан кўчиш ҳақида бизни ҳеч ким огоҳлантирмаганди» — Жигаристон фожиаси хотиралари

Тошкент вилояти Ангрен шаҳри яқинида Жигаристон қишлоғи бор. Бу қишлоқ тарихини ҳамма ҳам билмаса керак. Катта ёшли юртдошларимиз орасида 1991 йилда содир бўлган мудҳиш воқеадан хабардорлар талайгина. Мустақил бўлмасимиздан аввал, ўша йил май ойида табиий-техноген офат натижасида ана шу қишлоқнинг бир қисмини кўчки босиб қолади. Бутун бошли оилалар ер остида қолади.