Қозоғистонда коронавирусга қарши вакцина ишлаб чиқарувчи завод декабрда ишга тушади

Завод қурилиши июнь ойида бошланганди. Бу ерда иммунобиологик дори воситалари, жумладан коронавирус инфекциясига қарши вакцина ишлаб чиқарилади.

Фото: kapital.kz

Қозоғистон соғлиқни сақлаш вазири Алексей Цой биологик хавфсизлик муаммолари илмий-тадқиқот институти қошидаги вакцина ишлаб чиқарувчи биофармацевтика заводи қурилиши шу йилнинг декабрида ниҳоясига етишини маълум қилди.

«Завод қурилиши жадал суръатда бормоқда. Ишлаб чиқаришни йўлга қўйиш декабрга режалаштирилган. Режа ўз муддатида бажарилишига умид қиламиз», - деди Цой.

Унинг аниқлик киритишича, завод Жамбил областидаги Гвардейский посёлкасида қурилмоқда.

Мазкур завод қурилиши июнь ойида бошланганди. Бу ерда иммунобиологик дори воситалари, жумладан коронавирус инфекциясига қарши вакцина ишлаб чиқарилади.

Тайёрлаган Дилшод Аскаров

#Қозоғистон #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.