Россияда коронавирусга қарши вакцинанинг кексаларда синовдан ўтказилиши бошланди

Россияда коронавирусга қарши “Спутник V” вакцинаси 60 ёшдан катталарда синала бошланди. Синовларда 110 кўнгилли иштирок этади.

Фото: РИА Новости

Аввалроқ Россия соғлиқни сақлаш вазирлиги Гамалея номидаги марказ ишлаб чиққан ушбу вакцинанинг кекса ёшлиларда синовдан ўтказилишига рухсат берган. Синовлар вакцинанинг фуқаролик айланмасини кенгайтириб, уни кексаларга қўллаш мумкинлигини аниқлашга қаратилган.

“Спутник V” Россияда рўйхатдан ўтказилган коронавирусга қарши биринчи вакцина бўлиб, ҳозирда унинг якуний синовлари ўтказилмоқда. Уларда 40 минг киши иштирок этмоқда. Шунингдек, восита фуқаролик айланмасига киритилган.

Тайёрлаган Шуҳрат Раҳимов

#Россия #вакцина #Спутник V

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.