Қўшимча функционаллар
-
Тунги кўриниш
Америкалик миллиардерларнинг аксарияти Трампга қарши овоз бериши маълум бўлди
Сўровда қатнашган америкалик миллиардерларнинг қарийб ярми (48 фоиз) Жо Байденга, 40 фоизи амалдаги президент Дональд Трампга овоз беришини маълум қилган.
Фото: AFP
Ўтган ойда Forbes америкалик миллиардерлар орасида сайловолди сўрови ўтказди. Унда турли сиёсий қанотларга мансуб 42 нафар миллиардер иштирок этди.
Сўров якунлари хулосасига кўра, АҚШдаги энг бадавлат кишиларнинг аксарияти республикачилар партиясини қўллаб-қувватлаши маълум бўлди. Аммо шунга қарамасдан, бўлажак президент сайловида уларнинг кўпчилиги демократлар партияси номзоди Жо Байденга овоз беришлари мумкин.
Гэллап институти яқинда ўтказган сўров америкаликларнинг 28 фоизи ўзларини республикачи, 27 фоизи эса демократ деб ҳисоблашини кўрсатди. АҚШнинг яна 42 фоиз аҳолиси мустақил сайловчилар деб аталади.
Forbes сўровида қатнашган миллиардерларнинг эса 43 фоизи ўзларини республикачилар, 24 фоизи эса демократларга мансуб деб ҳисоблайди. Яна 33 фоиз миллиардер эса партиясиз эканлигини айтган.
Сўровда қатнашган америкалик миллиардерларнинг қарийб ярми (48 фоиз) Жо Байденга, 40 фоизи амалдаги президент Дональд Трампга овоз беришини маълум қилган.
Қайд этиш жоиз, АҚШ аҳолисининг катта қисми ҳам Жо Байденга овоз беришни мўлжалламоқда. RealClearPolitics сайловолди сўровлари агрегаторининг маълумот беришича, уни америкаликларнинг 51 фоизи қўллаб-қувватламоқда. Сайловчиларнинг 42 фоизи Дональд Трамп учун овоз беришга тайёр.
АҚШ-2020
Мавзуга оид
14:15
«Икки урушни ҳам биз ютгандик». Трамп америкаликларнинг жаҳон урушларидаги ғалаба кунини нишонлашга қарор қилди
23:59 / 03.05.2025
АҚШ Халқаро космик станцияни молиялаштиришни қисқартиради
22:42 / 03.05.2025
АҚШда жисмоний шахслар буюртма қилган хорижий товарлар учун божсиз режим бекор қилинди
21:31 / 03.05.2025