Саад Ҳаририй яна Ливан бош вазири бўлди

Аун Ҳаририйни Баъбд саройида қабул қилиб, уни бош вазир этиб тайинлаган ҳамда янги ҳукуматни шакллантиришни топширган. 

Аввалроқ Ҳаририй президент парламент фракциялари билан ўтказган маслаҳатлашувларда кўпчилик депутатлар томонидан қўллаб-қувватланган. Ҳаририй номзодини парламентнинг 65 аъзоси қўллаб-қувватлаган, 53 депутат бетарафлик билдирган, 10 депутат маслаҳатлашувларда иштирок этмаган. 

50 ёшли Ҳаририй ҳукуматга 2009-2011 ва 2016-2019 йилларда бошчилик қилган. У ҳукмрон доиралардаги коррупцияга қарши ўтказилган оммавий намойишлар ортида 2019 йил октябрида истеъфога кетган. 

Ҳаририй номзодини бош вазир лавозимига илгари суришни 26 сентябрда дипломат Мустафо Адиб ҳукуматни шакллантиришдан бош тортгандан кейин парламент спикери Набиҳ Баррий илгари сурган.

Маслаҳатлашувлар вақтида Ҳаририйнинг бош вазир лавозимига қайтишига насронийларнинг иккита асосий фракцияси – Эркин ватанпарварлик ҳаракати ва “Ливан кучлари” партияси эътироз билдирган. “Ҳизбуллоҳ” шиа ҳаракати блоки Ҳаририйни на қўллаб-қувватлаган ва на унинг номзодига қарши чиққан.   

Айни вақтда Ливан 4 августда Байрутда юз берган портлашдан кейин танг аҳволда қолмоқда.