Қўшимча функционаллар
-
Тунги кўриниш
АҚШнинг “Юта Жаз” баскетбол клуби 1,6 миллиард долларга сотилади
Миллий баскетбол уюшмасида иштирок этувчи “Юта Жаз” клуби тез орада ўз эгасини ўзгартириши мумкин. Клуб кўп йиллик эгалари томонидан 1,6 млрд долларга сотилмоқда.
ESPN телеканали манбаси Эдриан Войнаровскининг маълум қилишича, “Юта”га 36 йилдан бери эгалик қилиб келаётган Миллерлар оиласи клубни Qualtrics компанияси асосчиси Райан Смитга сотишга келишиб олган. Харид қиймати 1,6 млрд долларни ташкил қилади ва клубга қўшиб унинг уй стадиони “ВиВинт Арена” ҳам берилади.
Миллерлар оиласи “Юта”ни 1980 йиллар ўрталарида сотиб олган. Клубнинг бўлғуси эгаси Райан Смит Юта штатида туғилган ва узоқ йиллардан бери клубга мухлислик қилиб келади.
Энди битимни Миллий баскетбол уюшмаси бошқарувчилари кенгаши маъқуллаши керак. Шундан кейин харид расман амалга ошади.
Жорий мавсумда клуб плей-офф босқичининг биринчи раундидаёқ “Денвер Наггетс”дан мағлубиятга учраб, мусобақани тарк этган.
Мавзуга оид
22:00 / 23.10.2024
Тарихда биринчи марта ота-ўғил баскетболчи NBA ўйинида биргаликда иштирок этди
13:48 / 15.06.2023
Руслан Давлетов баскетбол федерацияси раиси лавозимидан кетди, унинг ўрнини Илҳом Маҳкамов эгаллади
20:58 / 16.12.2020
Миллий баскетбол уюшмаси тарихида ўйинчи билан рекорд қийматдаги шартнома тузилди
08:01 / 27.01.2020