Путин Россияда коронавирусга қарши оммавий эмлаш қачондан бошланишини айтди

Россияда ҳозирда COVID-19’га қарши иккита вакцина рўйхатдан ўтказилган. «Спутник V» вакцинаси ёзда, «ЭпиВакКорона» деб номланган иккинчи вакцина октябрда рўйхатга олинган.

Фото: Коммерсантъ

Россия президенти Владимир Путин мамлакатда коронавирусга қарши оммавий эмлаш йил охиригача бошланишига умид билдирди.

«Россия вакцинаси синовлари узилишларсиз давом этмоқда, йил охирида оммавий вакцинацияга киришамиз деб умид қиламан», — деди у.

Унинг таъкидлашича, Россиянинг коронавирусга қарши ҳар икки вакцинаси ҳам хавфсиз ва самарали.

Аввалроқ Европа комиссияси раҳбари Урсула фон дер Ляйен Евроиттифоқда коронавирусга қарши эмлаш баҳорда бошланиши мумкинлигини айтганди.

Тайёрлаган Дилшод Аскаров

#вакцина #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.