Барселонада COVID-чекловларга қарши норозилик намойиши тартибсизликларга айланиб кетди

Тартибсизликлар бир гуруҳ ёшларнинг полиция ходимларига тош ва петардалар улоқтиришидан сўнг бошланган.

Фото: REUTERS /Nacho Doce

Барселонада коронавирусга қарши курашиш доирасида киритилган чекловларга қарши ўтказилган норозилик намойишларида бир неча юз кишининг полиция билан тўқнашуви содир бўлди. Бу ҳақда El Pais газетаси ёзмоқда.

Хабар қилинишича, тартибсизликлар бир гуруҳ ёшларнинг полиция ходимларига тошлар ва петардалар улоқтиришидан сўнг бошланган. ОАВда тарқалган видеолавҳаларда шунингдек, тартибсизликлар қатнашчилари дўкон ойналарини синдириб, унинг ичидаги маҳсулотларни олиб чиқиб кетишаётгани акс этган.

Полиция 12 кишини қўлга олган.

Барселона полицияси бошлиғи Пере Феррер тартибсизликлар иштирокчиларини "ультраўнг гуруҳларнинг ўта тажовузкор ва уюшган аъзолари" деб атади.

Тартибсизликлар шунингдек, Испаниянинг бошқа шаҳарларида ҳам юз бергани айтилмоқда.

Тайёрлаган Дилшод Аскаров

#Испания #тартибсизлик

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.