Австралияда карантинга қарши норозилик намойишининг 400дан ортиқ қатнашчиси ҳибсга олинди

Виктория штати парламенти биноси олдида бир неча юз нафар намойишчи йиғилган. Намойиш вақтида полиция махсус воситалардан фойдаланган, бир полициячи жароҳатланган.

Фото: Quinn Rooney / Getty Images

Австралия полицияси Мельбурн шаҳрида коронавирус сабабли жорий этилган карантин чораларига қарши норозилик намойишининг 400дан ортиқ қатнашчисини ҳибсга олди. Бу ҳақда ABC телекорпорацияси хабар берди.

Хабарда айтилишича, 404 киши қўлга олинган бўлиб, 395 кишига оммавий йиғилишлар тақиқланиши, ҳаракатланиш, ниқоб тақиш қоидалари бузилиши бўйича жарима солинган.

Қўлга олинганларнинг аксарияти қўйиб юборилган. Олти киши полициячиларга ҳужум қилганлиги, шахси ҳақида ёлғон маълумот бергани учун ҳибсда қолдирилган.

Хабар қилинишича, Виктория штати парламенти биноси олдида бир неча юз нафар намойишчи йиғилган. Намойиш вақтида полиция махсус воситалардан фойдаланган, бир полициячи жароҳатланган.

Охирги маълумотларга кўра, Австралияда коронавирус юқтирганлар сони 27,6 мингдан ортиқ бўлиб, 907 киши вафот этган.

Тайёрлаган Дилшод Аскаров

#Австралия #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.