Саудия Арабистони декабрда Европа учун нефть нархини оширади

АҚШ учун эса Саудия нефтининг барча навлари нархи баррелига 0,2 доллардан пасаяди.

Фото: HASAN JAMALI/AP

Саудия Арабистони декабрда Европадаги харидорлар учун нефть нархини оширади. Бу ҳақда Saudi Aramco давлат компанияси маълум қилди.

Шимоли-ғарбий Европадаги мижозлар учун Arab Heavy навли нефтнинг бир баррели нархи 1 долларга ошади. Ўрта ер денгизи мамлакатлари харидорлари учун эса бир баррель нефть нархига 0,4-0,6 доллар қўшилади.

АҚШ учун эса Саудия нефтининг барча навлари нархи баррелига 0,2 доллардан пасаяди.

Осиёлик харидорлар учун эса Arab Medium нефтининг бир баррели нархи 0,1 долларга қимматлашади, Arab Heavy нархи эса ўзгармайди.