Pfizer коронавирусга қарши вакцинаси 95 фоиз самарадорлик кўрсатганлигини маълум қилди

Вакцинанинг ножўя таъсирлари кучли чарчоқ (3,8 фоиз кишида) ва бош оғриғи (2 фоиз) бўлганлиги айтилмоқда.

Фото: Getty Images

Американинг Pfizer компанияси Германиянинг BioNTech компанияси билан ҳамкорликда ишлаб чиқаётган коронавирусга қарши вакцинаси клиник тадқиқотларнинг якуний босқичида 95 фоиз самарадорлик кўрсатганлигини маълум қилди.

Компания бир ҳафта аввал вакцина самарадорлиги 90 фоизни ташкил этганлигини билдирганди.

Тадқиқотда 43 мингдан ортиқ киши иштирок этган. Уларнинг 170 нафарида вакцинациядан сўнг коронавирус юқтириш ҳолати аниқланган.

Вакцинанинг ножўя таъсирлари кучли чарчоқ (3,8 фоиз кишида) ва бош оғриғи (2 фоиз) бўлганлиги айтилмоқда.

16 ноябр куни Американинг Moderna компанияси ўзи ишлаб чиққан вакцина самарадорлиги 94,5 фоизни ташкил этганлигини маълум қилганди.

Pfizer ва Moderna вакцина синовларининг учинчи, якуний босқичини июл охирида бошлаган.

Тайёрлаган Дилшод Аскаров

#Pfizer #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.