Уй, иш, прописка, берилмаётган иш ҳақи... Тошкент шаҳар “тўртлиги” оммавий қабулда қандай мурожаатларни кўриб чиқди?

26 ноябр куни Ўзбекистон давлат консерваториясида бўлиб ўтган оммавий қабулда Тошкент шаҳрининг сектор раҳбарлари ва мутасаддилар аризачиларни қабул қилишди. Жумладан, сайёр қабулда ўзининг икки нафар ўринбосари билан бирга тадбирда иштирок этган Тошкент шаҳар прокурори Баҳриддин Валиев дўстлари билан бир ойда давомида қурилишда ишлаб, иш ҳақини ундира олмаётган сурхондарёлик Дилмурод Норқуловнинг арзини тинглади.