Moderna ўзининг коронавирусга қарши вакцинаси 100 фоиз самарадорлик кўрсатганлигини маълум қилди

Moderna раҳбари Стефан Банселнинг таъкидлашича, компания харидор давлатлардан бир доза вакцина учун 25 доллардан 37 долларгача сўрайди.

Фото: Joel Saget/AFP/Getty Images

АҚШнинг Moderna компанияси ишлаб чиққан mRNA-1273 коронавирусга қарши вакцинаси касалликнинг оғир шаклида 100 фоиз самарадорлик кўрсатди. Бу ҳақда компания сайтида хабар қилинмоқда.

Хабарда айтилишича, қолган ҳолатларда вакцинанинг самарадорлиги 94,1 фоизни ташкил этган.

Компания аввалроқ ўз вакцинаси нархини маълум қилганди.

16 ноябрда Moderna коронавирусга қарши ишлаб чиққан вакцинаси 30 минг киши иштирокида синовларнинг 3-босқичидан ўтгани ва 94,5 фоизлик самарадорлик кўрсатганини хабар қилганди.

Тайёрлаган Дилшод Аскаров

#вакцина #Moderna

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.