Хитойнинг коронавирусга қарши вакцинаси Индонезияда 97 фоиз самарадорлик кўрсатди

Индонезия 7 декабр куни Sinovac компаниясининг коронавирусга қарши мўлжалланган 1,2 млн доза вакцинасини олди ва январда яна 15 млн доза вакцина олишни режалаштирган.

Фото: South China Morning Post

Хитойнинг Sinovac компанияси вакцинаси Индонезиядаги синовларда 97 фоизгача самарадорлик кўрсатди. Бу ҳақда South China Morning Post газетаси хабар берди.

"Клиник тадқиқотлар бўйича жамоамиз бир ой давомидаги дастлабки маълумотлар 97 фоиз ҳолатларда самарадорлик кўрсатаётганини аниқлади", - деди Индонезиянинг Bio Farma фармацевтика компанияси вакили Иван Сетиаван.

Ҳозирда Хитойнинг тўртта вакцинаси клиник синовларнинг учинчи босқичида. Улардан иккитасини Sinopharm корпорацияси, биттасини CanSinoBIO компанияси ва яна бирини Sinovac ишлаб чиққан.

Тайёрлаган Дилшод Аскаров

#вакцина #Коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.