Россияда коронавирусга қарши курашда чегараларни ёпиш самара бермай қўйганлиги айтилди

Гинцбургнинг сўзларига кўра, коронавирус антитаналарга нисбатан чидамлилик хусусиятига эга бўлолмайди.

Фото: РИА Новости

Коронавирус тарқалишига қарши курашда чегараларни ёпиш каби чоралар самара бермай қўйди, чунки пандемия ривожланишида асосий ролни атрофдаги касаллик манбалари ўйнамоқда. Бу ҳақда Гамалея номидаги марказ директори Александр Гинцбург айтди.

«Анчадан бери касаллик тарқалишида асосий ролни инфекциянинг четдан кириши эмас, балки атрофимиздаги инфекция манбалари ўйнаяпти. Шунинг учун эпидемиологик жараённи бошқариш қийин бўлиб кетди ва у оммавий тус касб этди», - деди у.

Гинцбургнинг сўзларига кўра, коронавирус антитаналарга нисбатан чидамлилик хусусиятига эга бўлолмайди.

«У бунга қодир бўлмаганлигидан эмас, балки иммун тизимимиз жудаям турли-туман эканлигидан, у пайдо бўладиган мутацияларга нисбатан ҳам турли-туман», - деди у.

Охирги маълумотларга кўра, Россияда коронавирус юқтирганлар сони 2,5 млн нафардан ошган, 45 мингга яқин инсон вафот этган.

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.