11 ойда Ўзбекистонга 5,44 млрд доллар жўнатилди

Жорий йил январ-ноябр ойлари давомида республикага келиб тушган трансчегаравий пул ўтказмалари ҳажми 5,44 млрд долларни ташкил этди.

Марказий банк томонидан эълон қилинган маълумотда айтилишича, бу кўрсаткич ўтган йилнинг мос даврига нисбатан 85 млн долларга ёки 2 фоизга камайди.

Чет элга юборилган трансчегаравий пул ўтказмалари миқдори 1,08 млрд долларга етиб, ўтган йилнинг мос даврига нисбатан 119 млн долл. ёки 12 фоизга ошди.

Натижада, трансчегаравий пул ўтказмалари бўйича ижобий сальдо 4,36 млрд долларга етди, дейилади хабарда.