Қозоғистонда келаси ҳафтада коронавирусга қарши вакцина ишлаб чиқарувчи завод ишга тушади

Мазкур завод қурилиши июнь ойида бошланганди. Бу ерда иммунобиологик дори воситалари, жумладан коронавирус инфекциясига қарши вакцина ишлаб чиқарилади.

Фото: akorda.kz

Қозоғистонда келаси ҳафтада Россия билан ҳамкорликдаги коронавирусга қарши вакцина ишлаб чиқарувчи завод ишга тушади. Бу ҳақда Қозоғистон президенти Қосим-Жўмарт Тўқаев маълум қилди.

"Яқин кунларда, келаси ҳафтада Россия билан ҳамкорликдаги вакцина ишлаб чиқарувчи заводни ишга туширамиз", - деди у МДҲ давлат раҳбарлари кенгаши йиғилишида.

Тўқаев МДҲ давлатларига коронавирус инфекциясига қарши ҳамкорликни кучайтиришни таклиф қилди.

"Бугун биринчи навбатдаги вазифамиз фуқароларимизга вирусга қарши вакциналарга эга бўлиш имкониятини тақдим этишдир", - деди у.

Маълумот берилишича, Қозоғистонда аҳолини коронавирусга қарши оммавий эмлаш 2021 йил бошларида бошланиши режалаштирилган.

Тайёрлаган Дилшод Аскаров

#Қозоғистон #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.