Германияда 101 ёшли аёл коронавирусга қарши эмланган биринчи инсон бўлди

Мамлакатда вакцинация расман якшанба куни бошланади. Биринчи навбатда 80 ёшдан катталар ва шифокорлар эмланади.

Фото: Matthias Bein / dpa / Global Look Press

Германияда аҳолини коронавирусга қарши эмлаш бошланди. Мамлакатда биринчи бўлиб Халберштадтдаги қариялар уйида яшовчи 101 ёшли аёл эмланди, деб хабар берди Bild нашри.

Хабарда айтилишича, қариялар уйида яшовчи 59 кишидан 40 нафари ҳамда 10 нафар ходим ва бошқарувчи директор эмланган.

Улар BioNTech ва Pfizer компаниялари ишлаб чиққан вакцина билан эмланган. Германия ҳукуматининг режасига кўра, оммавий вакцинация 27 декабрда бошланади.

Қайд этилишича, биринчи навбатда 80 ёшдан катталар, қариялар уйлари ходимлари ҳамда шифокорлар эмланади.

Якшанба куни Евроиттифоқнинг бошқа мамлакатларида ҳам вакцинация бошланади.

Тайёрлаган Дилшод Аскаров

#Германия #вакцина

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.