Хитой АҚШнинг Афғонистондаги ҳарбийларини ўлдириш учун одамларга пул таклиф қилган – ОАВ

АҚШ президенти Доналд Трамп маъмурияти Хитой Афғонистондаги америкалик ҳарбийларни ўлдириш учун “нодавлат субъектлар”га пул таклиф қилгани тўғрисидаги разведка маълумотини эълон қилишни режалаштирмоқда. Бу ҳақда ўз манбаларига таяниб Axios портали хабар берди.

Манбаларнинг айтишларича, ҳозирча бу маълумот текширилмаган ва турли идоралар ходимлари уни тасдиқлашга уринмоқда.

Разведка маълумотлари президент брифингига киритилган, Трампга бу масала юзасидан миллий хавфсизлик бўйича маслаҳатчи Роберт О'Брайен томонидан оғзаки маълумот берилган, деб ёзади Axios.

Июнда The New York Times газетаси Россия махсус хизматлари толибларга Афғонистондаги америкалик ҳарбийлар ўлдирилиши учун пул тўлагани тўғрисида ёзганди.