Қўшимча функционаллар
-
Тунги кўриниш
НАТО ва Евроиттифоқ раҳбарлари Вашингтондаги воқеаларга изоҳ беришди
«Демократик сайловлар натижаларини ҳурмат қилиш зарур», — дейилади НАТО бош котиби Йенс Столтенбергнинг баёнотида.
Фото: Reuters
НАТО бош котиби Йенс Столтенберг, Европа кенгаши раиси Шарл Мишел, Еврокомиссия раҳбари Урсула фон дер Ляйен ва бошқа сиёсатчилар Вашингтонда Доналд Трамп тарафдорлари конгресс биносига бостириб киришгани бўйича баёнотлари билан чиқишди.
«Вашингтонда шокка соладиган воқеалар. Демократик сайловлар натижаларини ҳурмат қилиш зарур», — дейилади Столтенбергнинг баёнотида.
«АҚШ конгресси —демократия ибодатхонаси. Вашингтондаги воқеалар одамни шокка туширади. АҚШ ҳокимият Жо Байденга тинч йўл билан ўтишини таъминлашига ишонамиз», — деб ёзди Европа кенгаши раиси Шарл Мишел ўз твиттерида.
«АҚШ институтлари ва демократияси кучига ишонаман. Жозеф Байден сайловда ғалаба қозонди», — дейилади Урсула фон дер Ляйеннинг твиттердаги изоҳида.
6 январ куни Трампнинг тарафдорлари АҚШ конгрессига бостириб киришди. Кейинроқ куч ишлатиш тузилмалари намойишчиларни конгресс биносидан сиқиб чиқаришди.
Тартибсизликлар вақтида тўрт киши ҳалок бўлди.
АҚШ-2020
Мавзуга оид
18:03 / 18.04.2025
«Бу бизнинг уруш эмас» - Агар музокараларда силжиш бўлмаса, АҚШ Украинада тинчлик ўрнатиш уринишларини тўхтатади
17:55 / 18.04.2025
Евроиттифоқ Россия авиакомпаниялари учун ўз осмонини очишдан бош тортди
17:34 / 18.04.2025
Украина ва АҚШ фойдали қазилмалар бўйича шартнома тузиш ниятида меморандум имзолади
13:53 / 18.04.2025