Британияда ўзини ўзи изоляция қилган фуқароларга пул тўлаш таклиф қилинмоқда

Буюк Британияда учинчи марта локдаун эълон қилинган, мамлакат коронавирусдан ўлимлар сони бўйича Европада етакчилик қилмоқда.

Фото: Oli Scarff/AFP/Getty Images

Британия ҳукумати амалдорлари коронавирусга мусбат тест топширган фуқароларнинг уйда ўтиришлари учун пул тўланишини таклиф қилишмоқда.

Тайёрланган режага кўра, бундай фуқароларга 500 фунт стерлингдан (685 доллар) пул тўлаш кўзда тутилмоқда. Ҳозирча мазкур молиявий ёрдамни карантин вақтида уйда ўтиришга мажбур энг кам даромадга эга бўлганларга тўлаш кўзда тутилган.

Ушбу ташаббус ойига тахминан 2 млрд фунт стерлингга тушади, деб ёзади ҳужжат лойиҳаси билан танишган The Guardian нашри.

Мамлакат бош вазири Борис Жонсон локдаун ёз фаслигача давом этиши мумкинлигини айтган.

Тайёрлаган Дилшод Аскаров

#Буюк Британия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.