Зимбабведа бир ҳафта ичида уч нафар вазир коронавирусдан вафот этди

15 январ куни провинциал ишлар бўйича вазир Элен Гварадзимба вафот этганди. 20 январ куни эса ташқи ишлар вазири Сибусисо Мойо вафот этди.

Фото: AFP

Зимбабведа бир ҳафта ичида уч нафар вазир коронавирусдан вафот этди, деб хабар бермоқда Синхуа агентлиги.

"Расмий органлар Зимбабве транспорт ва инфраструктурани ривожлантириш вазири Жоэл Матиза коронавирусдан вафот этганлигини тасдиқлади. Шу тарзда, у бир ҳафта ичида коронавирусдан вафот этган учинчи ва Зимбабведа 2020 йил мартда касаллик аниқланганидан буён вафот этган тўртинчи вазир бўлди", - дейилади хабарда.

Қайд этилишича, 15 январ куни провинциал ишлар бўйича вазир Элен Гварадзимба вафот этганди. 20 январ куни эса ташқи ишлар вазири Сибусисо Мойо вафот этди.

Охирги маълумотларга кўра, Зимбабведа коронавирус юқтириш билан боғлиқ 30,5 минг ҳолат аниқланган. Расмий статистикага кўра, 962 киши касалликдан вафот этган.

#Зимбабве #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.