Мексика президенти коронавирус юқтириб олди 

Мексика президенти Андрес Мануэл Лопес Обрадор коронавирус юқтириб олганини маълум қилди.  

“Сизга афсус билан маълум қиламан, мен коронавирусга чалиндим. Белгилар кучсиз ва мен даволанмоқдаман. Биз уддалаймиз”, деб айтган Мексика раҳбари.  

67 ёшли Лопес Обрадорнинг таъкидлашича, у давлат ишларини миллий саройдан кузатиб боради. Унинг айтишича, 25 январда унинг Россия президенти Владимир Путин билан телефон суҳбати белгиланган. Аввалроқ Мексика раҳбари россиялик ҳамкасби билан Россияда ишлаб чиқилган вакциналарнинг Мексикага етказилиши масаласини муҳокама қилмоқчилиги маълум қилинганди. Жумладан, Мексикада “Спутник V” вакцинасига қизиқиш билдирилмоқда. 

Мексикада бир неча ҳафтадан бери аҳоли Pfizer ва BioNTech компанияларининг вакцинаси билан эмланмоқда.