Россияда коронавируснинг учинчи тўлқини қачон бошланиши айтилди

Шифокор ва телебошловчи Александр Мясников Россияда коронавируснинг янги тўлқини бошланадиган муддатни айтди. У бу ҳақда ўз Telegram-каналида ёзди.

Унинг сўзларига кўра, ҳозирда пандемия табиий ўсиш босқичига кирди, бу эса унинг уч ойлик даврийлиги ҳақидаги тахминни тасдиқлайди.

«Демак, ёзга бориб яна ўсишни кутиш мумкин», — деб ёзди у.

 Мясниковнинг айтишича, пандемиянинг учинчи тўлқинидан йўқотишларсиз ўтиш учун ҳозирдан эмланиш зарур. 

 Аввалроқ Мясников Microsoft асосчиси Билл Гейтснинг инсониятни янги жиддий пандемия кутаётганлиги тўғрисидаги фикрига қўшилганди. 

 Охирги маълумотларга кўра, Россияда коронавирус юқтирганлар сони 3,8 миллиондан ошган, 72 мингдан ортиқ киши вафот этган.