Эрон энг кучли фазовий ракетасининг парвозини амалга оширди

Фото: iribnews

Эрон янги ракета-ташувчисининг парвозини амалга оширди. Irib News нашрининг хабар беришича, “Зулжаҳон” деб номланган ракета орбитага сунъий йўлдошларни чиқариш учун мўлжалланган.

Ракета Эрон ракеталари орасида энг кучли двигателга эга бўлиб, қаттиқ ёнилғида ишлайди. Эронлик ҳарбийлар ракетани учириш учун бундай ёнилғини биринчи марта қўллашди.

Ёнилғи сифатида 10 йил автоном ишлашга етадиган металл диэлектрик пластиналар қўлланади. Ракета оғирлиги 220 кг келадиган сунъий йўлдошни 500 кмгача баландликка чиқара олади.

“Синовлар ва технологиялар такомиллаштирилгандан сўнг ушбу ракета сунъий йўлдошларни орбитага чиқара олади”, деб айтган Эрон мудофаа вазирлигининг коинот гуруҳи вакили Аҳмад Ҳусайний.

2020 йил апрелда Эрон биринчи марта орбитага ҳарбий сунъий йўлдошни чиқарганди. Ўшанда “Қассид” ракетаси Noor-1 сунъий йўлдошини 425 км баландликка олиб чиққан.